Iċ-Ċavetta – L-ewwel Ktieb – Verżjoni PDF

L-ewwel ktieb tat-taħriġ iħarreġ lill-istudenti fl-ittri kollha tal-alfabett Malti. Kull kapitlu jlaqqa’ lill-persuna ma’ ħoss, l-ittra li tirrappreżenta dak il-ħoss u l-kitba tal-istess ittra. Qabel l-għalliem jgħaddi għal ittra oħra, jeħtieġlu jaċċerta ruħu li kull student tiegħu jkun tgħallem jgħid, jaqra u jikteb l-ittra li jkun tħarreġ fiha. Kull ħames jew sitt kapitli, issir reviżjoni tal-ittri mgħallma, fejn il-ħsejjes jingħaqdu f’sillabi u kliem, u joktor il-logħob bil-karti, il-kartini u l-kartolini. Sa tmiem l-ewwel ktieb, l-istudent għandu jkun tgħallem kif ilissen, iħoss, jaqra u jikteb l-ittri tal-alfabett u xi kliem ħafif.